Azərbaycanlılar 9 May “Qələbə günü” paradında — Fotolar

1945-ci ildən bəri ilk dəfədir ki, pandemiyaya görə bütün Avropada 8 may günü kütləvi toplantılar qadağan olundu və Avropa ölkələrinin liderləri bu vacib günü geniş qaydada qeyd etmədilər.

Həmçinin hər il 9 May “Qələbə günü”nə həsr olunan hərbi parad keçirən dövlətlər bu tədbirlərdən imtina etdilər.

Lakin Belarusun prezienti Lukaşenko COVID-19 virusunun dünyada tüğyan etməsinə baxmayaraq, Minsk şəhərində hərbi parad təşkil edib.

Həmin parada tamaşaçı kimi xeyli insan da qatılıb.

365.az-ın əldə etdiyi məlumata görə, onların arasında Minskdə yaşayan azərbaycanlılar da olub.

Həmyerlimiz Stanislav Xlestov digər soydaşlarımızla birlikdə Azərbaycanın bayrağı ilə hərbi parada qatılıblar və bu qələbədə Azərbaycanın böyük rolu olmasını bir daha yerli əhaliyə xatırladıblar.

Fotoları diqqətinizə çatdırırıq.

pia.az